Veena Malik Shokat Khanam Visit with husband and Son

وینا ملک اپنے شوہر اور بیٹے کیساتھ شوکت خانم ہسپتال گئیں، انکے شوہر اسد خٹک کا کہنا تھا کہ شوکت خانم دنیا کے اچھے ہسپتالوں میں سے ایک ہے، اس موقع پر انہوں نے عمران خان صاحب کی تعریف کی کہ انکی وجہ سے پاکستان میں بھی کینسر کے علاج کے ہسپتالوں میں مریض صحت یاب بھی ہو رہے ہیں اور انکو ایسی سہولتیں میسر ہیں جو بہت سے ممالک میں ابھی تک نہیں ہیں، انہوں نے کہا کہ میں عمران خان صاحب کو خراج تحسین پیش کرتا ہوں۔ اس موقع پر وینا ملک نے کہا کہ وہ پہلے ہی عمران خان کا شکریہ ادا کر چکی ہیں اور وہ بھی چاھتی ہیں کہ وہ فلاحی کاموں میں حصہ لیں۔
پھر وینا ملک کے خاوند جناب اسد خٹک نے اپنی فیملی کی ایک سیلفی بنائی شوکت خانم پشاور کیساتھ۔

Veena Malik ki Imran Khan se Mulaqat

اسلام آباد : اداکارہ وینا ملک اپنے شوہر اسد خٹک کے ہمراہ عمران خان سے ملنے بنی گالا پہنچ گئیں۔

تفصیلات کے مطابق اگزشتہ دنوں دبئی سے پاکستان آنے والی اداکارہ وینا ملک اپنے شوہر کے ہمراہ آج شام اسلام آباد میں سربراہ تحریک انصاف عمران خان سے ملاقات کیلئے ان کی رہائش گاہ پہنچیں۔

قومی لباس میں زیب تن دونوں میاں بیوی نے عمران خان اور نعیم الحق سے ملاقات کی،ڈیڑھ گھنٹہ تک جاری رہنے والی ملاقات کے دوران اسد خٹک نے عمران خان کو مختلف دھنوں پر ترانہ اور نغمے سنائے جس سے عمران خان بے حد محظوظ ہوئے۔

ملاقات کے دوران ہلکے پھلکے انداز میں سیاسی گفتگو بھی کی گئی۔ ملاقات کے اختتام پر وینا ملک اور اسد خٹک میڈیا سے بات چیت کئے بغیر روانہ ہو گئے۔

بعد ازاں ترجمان تحریک انصاف نعیم الحق نے میڈیا سے گفتگو میں بتایا کہ وینا ملک اور اسد خٹک کی عمران خان سے خوشگوار ماحول میں ملاقات ہوئی، تاہم یہ ملاقات غیر سیاسی تھی اور دونوں میاں بیوی میں سے کسی کے پاکستان تحریک انصاف میں شمولیت سے متعلق کوئی بات نہیں ہوئی۔